فلسطين جب الجراح
الشاعرة نرجس عمران / سورية ……….
فلسطين جب الجراح
يافلسطين
دوقتي الجرح الوجع
من بعد سنين
خلي هالعالم يسمع
بإيدين كبارك
صوت حجارك
وحتى صغارك
رباينة حبو ترضع
بعد سنين
حلك يا غاصب تركع
مهما غاب
مصيرو لصحابو يرجع
حق سرقتو
بكذبة نكرتو
قصيرة حبال الكذبة حتوقع
قهر وأنين
من فلسطين مابيشبع
سكن العين
وشرايين عمرا بيقطع
جاي لوين
مش عارف ياقهر إنو
لأهل المي تبيع المي
لا مابينفع
فلسطين زغارا
قبل كبارا عم تولع
صبروإرادة
وعشق شهادة بتتطبع
مهما لاح
يا طاغي سلاح معروفة
المفطوم على حق
صعبة هالظلم يبلع
نحنا وهي ذات الروح
تؤام جابتنا الأيام
إذا واحدنا قال يا جروح
التاني بينزف متلو تمام
الاقصى أقصانا بتعرف
يا غاصب يكفي طمع
حتى حجارو عم تنزف
عروبة بتاريخو اطلع
حقيقة وعندك خبارا
لكن دولة بدك تصنع
ناسي إنو الحضارة
ماقامت على شعب مجمع
مهما بصفك وقفوا المتلك
يل عندن طمع وجشع
والغالي ترخص كرمالك
خطوة رجوع ما بنرجع
تشهد على روحك يا شاطر
السلاح لو كلمة بتوجع
وحاجي بحق الغير تغامر
قبور فتحنا بعيونك اقشع
بوجودك معنا بتخاطر
اسال التاريخ وردو اسمع
النية عقدنا شو بعدك ناطر
هالكون اتنينا
مش رح يوسع ..
#نرجس عمران
#سورية
#فلسطين
جب الجراح