ريما الرحباني تهاجم أسامة الرحباني وإليسا.. والأخيرة ترد- (تغريدة)

وعلى صفحتها الخاصة على موقع “فيسبوك” كتبت ريما: “الحق مش على إليسا! واليسا باللي صار ضحيّة مش مجرمة، المجرم الأوّل والأخير هوّي الطبل اللي داير إليسا والتوابع ومعتقد حالو بيحقلّو يتصرّف ويأذن للفنانين يغنوا أغاني فيروز، ومعتقد بيحقلّو يشوّه ويبهدل هالإرث براحته بدون حسيب ولا رقيب! وهالشي كلو فقط لأن عبقري متل زياد أعاد بعض الأغاني! فاعتقد الطبل إنو هو كمان عبقري ووريث وبدّو يعيد نفس الأغاني”.

وأضافت “كما أني كنت أكيدة انو استقواء إليسا بالمرّات السابقة كان مدعوم بأذونات الطبل اللي قاعد على المسرح! بس قد ما ذكي فضح حالو وقطع الشك باليقين! بس معليش.. إلا ما يصير في دولة وحبوسة فهيدا الموضوع ما رح فوت فيه هلق!”.

وتابعت “واللي بدّو يعمل تحيّة ولو كذّابيّة لعمّو أقلّه يحترم ألحانه ويحترم ورثته خاصة إذا كان عارف ومتأكد أن الورثة لا يريدوا هالأغاني بالذات تنعاد (ورثة الياس) وإذا بتمرق على بعض الناس إنّو هذه فعلا تحيّة ما بتمرق على كل الناس إنّها كذّابيّة! عدا عن إنّه ما بفهم كيف ممكن واحد يعمل حفلة كلها نشاز! بهالوقاحة!”.

واعتبرت ريما أن هذه الحفلة لم تكن تحيّة، بل كانت إهانة لأعمال عاصي ومنصور والياس الرحباني، لافتة إلى أن “هناك عاصي الرحباني واحد ما في غيرو ولبعد ألف سنة ما بيجي غيرو”.

من جانبها ردت الفنانة إليسا بطريقة غير مباشرة، وغردت على صفحتها الخاصة على موقع تويتر: موتوا بغيظكم!! والشاطر يفهم !!!”.

المصدر : القدس العربي