راغب علامة يحذّر من انهيار بلا حدود.. وزين العمر يطلق صرخة إلى وزير الصحة اللبناني-(تغريدة وفيديو)

وتحت عنوان ” صرخة باسم الشعب اللبناني الموجوع “،نشر الفنان زين العمر فيديو عبر حسابه الخاص على “تويتر” توجّه فيه وزير الصحة حمد حسن وكل المسؤولين، ومما جاء فيه “بدّي قلّك يا معالي وزير الصحة انو بالمستشفيات بلبنان يللي ما معو مصاري نقدي بيموت على باب المستشفى لأنو لا شركة التأمين ولا الضمان الاجتماعي بيعترفوا بالكورونا”.
وأضاف زين “انتو كذابين عم بتبيعونا كذب، انتو تجّار دم… يا ويلكم من الله..نحنا كلنا ميتين، كلنا رهائن عندكن…شو بدكم بعد وضفر أصغر إم من إماتنا بيسوى أكبر زعيم… انقبروا فلّوا على بيوتكن، الفاشل يفلّ على بيتو…وكل خروف بدو يضلّ لاحق زعيم بدي قلو انت ما إلك مكان بين الأوادم والشرفاء”.

ولم يكن السوبر ستار راغب علامة بعيداً في مواقفه عن زميله زين العمر إذ حمّل مسؤوليّة ما آلت إليه الأمور في لبنان إلى السياسيين. وقال “بدأوا بالانهيار الأخلاقي من سرقات ونهب وخيانة ووصلوا إلى الانهيار السياسي والاقتصادي والمالي والطبي والرياضي والعلمي الخ”.
وحذّر راغب من الأسوأ بقوله “أمّا الآن فالانهيار الأمني والاقتصادي لن يكون له حدود. الناس جائعة ومنهارة”.

المصدر : القدس العربي