يا مين يشيل وجعي

الإعلامي العميد المتقاعد هاشم المجالي ……………

رسالة وصلتني من معلقة على بوست قلة الخبرة في التعامل مع مرضى ال ICU الذي نشرته على صفحتي وآلمني جدا ما قرأته .
وارغب بنشره مع بعض التعديلات بعدم ذكر الأسماء صراحة ..
اختي في ذمة الله ولا اعتراض على حكم الله …اسمعوني عشان ما تذوقو اللي ذقته
بدي احكيلكم بس عن اخر يوم عاشتو اختي بمستشفى حمزه
بعد 12 يوم معاناه مع ناس مجرمه ..اخر يوم تحديدا الساعه الواحده ليلا بلشت تتعب وتحس نفسها يتعب ، طبعا الممرضين وزرا بالموت لما يردو علينا اجى ممرض اسمه.. ف شافها
حاول يرفع من معنوياتها ، طبعا ما بعمل شي،الا أنه بقيس الاوكسجين وبحكيلها انتي ممتازه وبعد ساعه ونص اجا دكتور بيحكي في تسارع عندها هسى بنعطيها ابره وبترتاح،
طبعا الله لا يآجرهم ولا يكتبلهم الاجر اعطاها ابره وهي تتوسل اليه انا بطلت احس بالأوكسجين وراح الدكتور وراح الممرض واختي تترجاني مش عارفه اتنفس بهاي اللحظه حسيت بالخطر رحت اصرخ واتوسل وارمي حالي على الارض اترجاهم لما قررو يبعتو ورا اطباء التنفسيه…ويا وجع قلبي من
التنفسيه ..حكى هاي بدها نسبة اوكسجين اكتر
جاب الجهاز ع اساس يركبه….. حط،الجهاز قبال عينها وراح وما عاد يرجع لأذان الفجر و احنا بنستنى.. هون رجعت حسيت اختي بتنتهي رجعت اترجى الممرض بهاي اللحظه قرر الممرض انه هو يركب الجهاز
طبعا هو مش متخصص بتركيب جهاز التنفس
وبلش هو وممرضه اسمها ..ف..يبحثوا عن وصلة و عظمة كهرباء لما انا اعطيتهم وبدهم يحاولو يركبو الجهاز
طبعا هي عايشه ع الاوكسجين القليل ع اساس يركبو الجهاز الاعلى وينقذو حياتها
شاااالو الاوكسجين القليل قبل ما يجهزو الجهاز الاوكسجين العالي وما عرفو يركبو الجهاز التاني عشان ينقذوها ،،، هون اختي خلال دقايق اتوفت أماام عيوني وهم مش عارفين يركبو الجهاز …والله على ما اقول شهيد
هسا الاجرام الاكبر الممرضه ..ف.. وكمان وحده تانيه والله العليم …ع…ضلت وحده فيهم تجهزها عشان تنزلها تحت سكرت البرادي وما خلتني اشوفها وسرقت سنسالها ونزلتها …..
مسؤول القسم…. ط.. اتقي الله بفريقك اغلبهم لا يعرفون ولا يهتمون ..
مدير مستشفى حمزه ارحم من في الارض اقسم بالله فريق مستشفى حمزه يجب عليه ان يخاف الله لان فيهم من يتق الله الا من رحم ربي
بيسان ابو خضير انتهى اجلك يا نور عيون اختك
والله ينتقم من كل مسؤول ظلمك