عيدك يا وردة بيتي

الشاعرة ميَّادة مهنَّا سليمان / سورية ….

عيدك يا وردة بيتي
يا أوّل “ماما” قلتا
يا دمعي وهمّي وحنّيتي
يا أوّل نِجمة طِلتا

بغنّيلك تَ تنامي
يا ضِحكة أحلامي
يا طعمِ الحُب .. وخفْقِ القلب
وأحلى طفلة حضَنتا

إن غبتي عن عيني
بيقتلني حنيني
وإن كنتِ قبالي برقص لخيالي
يا أجمل نغمة سمعتا

عيدك غنيّة..
صوتك حنّيّة
بهديكي عُمري.. عُمري.. عُمري
يا أغلى نعمة شِفتا

ميَّادة مهنَّا سليمان