بدنا حكومة عسكرية
د. هاني العدوان ….
بدنا حكومة من العسكر
حكومة جنود من حراس الوطن
من الخنادق
من ميادين الرجولة والكرامة
من اللي يقولوا ويفعلوا
لأن الحكومة التي تقود مؤسسات الوطن عاجية
بعيدة عن الناس
حكومة معاندة
داخلة تحدي مكاسرة مع الشعب
مين يكسر الثاني
الناس منكوبة
الناس مقهورة
قهر يومي
قهر أزمات مرور
قهر تهديدات
قهر عيشة
قهر فواتير
قهر برد
قهر مرض
قهر من القهر
وين ما تلف وجهك ضرائب
مسقفات
مخالفات
غرامات
عقوبات
بطالة
فقر
جوع
سوء تغذية
تامين الصحي جزئي
المستشفيات الحكومية
الناس فوق بعض
ازدحام
دور
تعب
والطبيب مستعجل لأن وراه الف مريض
المستشفيات الخاصة
قصور
سجاد
قهوة
واحترام
بس اللي ما معه كحش برا
موت والله لا يردك
النواب إلا من رحم ربي
ما الهم علاقة باللي بصير
يميلوا مع الريح
المهم الكرسي
الأعيان
ساكتين
بس يتهامسوا
صرت اقرأ كل يوم استنجادات مواطنين
لابو لحية غانمة
الحاضر أكثر من الحكومة
سعادة سفير الدولة اللي تقود العالم
بطلبوا منه يوصل دخالة الشعب الأردني
للخليفة ترامب رضي الله عنه
بلكن يحن علينا بشوية مليارات
مش كثير
بس ندفي بيوتنا
وندفع المخالفات
والغرامات
ونرخص السيارات
ونشتري كاز وحطب وخبز
وثمن أكفان وقبور
والعايش يعدي الشتوية مستور
معقول اللي قاعد يصير
وصلنا لمرحلة
نستنجد الرحمة من برا
يا جماعة الحكومة
والله من خوفنا ع الوطن نحكي ونفرغ
بلكن تشيلوا القطن من أذانكم
وتسمعوا النصيحة
مش محبة فيكم
لكن من خوفنا ع الوطن
قبل ما نصير نضرب كف على كف
اصحوا
الوطن أهم منكم
بكثير
الكاتب من الأردن